林淑敏在去年憑著劇集《愛.回家之開心速遞》中飾演大小姐一角，勇奪TVB萬千星耀頒獎典禮「最佳女配角」獎項，她在劇中的巴渣潑辣性格深入民心，成功入屋。不過要做到佢咁八婆都唔易，而以下3位藝人都能把「八婆」角色發揮得淋漓盡致。唔知你覺得邊位的演技最八婆呢？

 

1.比主角更搶鏡 — 林淑敏
林淑敏在劇集《愛.回家之開心速遞》中飾演大小姐一角，以巴渣潑辣的性格令她成功以惡女形象入屋。在劇中，林淑敏經常要對一班下屬發脾氣，性格非常暴躁、無理取鬧。大吼大叫的樣子在劇中非常搶鏡，同時做盡一切八婆會做的事和嘴臉。林淑敏亦在劇集《真相》中飾演一位巴辣又野蠻的闊太。當中有一幕發癲戲更成為當時熱話，還被網民cap低該場面來做whatsapp和Facebook 的GIF圖。可見林淑敏的八婆演技幾咁深入民心！
 

2.見到就眼火爆 — 莊思敏
有好多網民都覺得只看莊思敏個樣，就已經覺得佢好八婆。可能就係咁，所以《溏心 3》的監製就睇中佢，俾個八婆角色給莊思敏。她在《溏心 3》中要跟菊姐、司棋姐、米雪等人有好多對手戲，不過每場戲都充滿著火藥味，每次出場都要用說話來挑釁對方，甚至做一些小動作來引起鬥爭，令人反感。當劇集播出後，有很多網民對莊思敏的演出拍爛手掌，覺得她從內到外都好有八婆感覺，演活了該劇的角色，同時亦被封為新一代「毒舌八婆」。有一次她接受某訪問時笑言：「自己的八婆形象深入民心，就連新識的朋友也因此而怕了自己，這正因為該劇中的八婆角色！」雖然八婆形象太過深入人心，不過莊思敏依然很開心可以得到這次演出機會，亦很高興能夠從中找到自己的特別演繹方式。希望日後也能在其他劇集看到她神似的演出！
  

3.新一代八婆 — 李漫芬
你可能對於李漫芬這個名有點陌生，不過當你一見到佢張相就知道她是誰。甚至乎可能在電視機上見過她無數的演出，不過就唔知佢叫咩名，只係知佢好「八婆」……李漫芬除了是位演員，她還是大台的主持人。唔知大家還記得劇集《致命復活》嗎？劇中李漫芬飾演郭晉安的大嫂，演活一個極度勢利、貪錢、說話尖酸刻薄的女人。劇集播出後，她更被郭晉安周圍說她可以成為「新一代八婆」，還笑說以後有八婆戲份的劇集找她演就沒錯。雖然劇中李漫芬是個貪錢的女人，但現實中的她是個勤力又慳家的女人。初入電影圈工作時，還自己帶飯返工，邊吃邊等化妝埋位，這全因當年要擔起整頭家之餘，還要照顧生病的爸爸。李漫芬這位敬業樂業的演員，把八婆角色也可如此投入，真是位專業演員！
  

唔知你覺得以上3位藝人當中，哪一位最能演活「八婆」角色呢？

 

 

Edit: Joey 
Photo:網路圖片、TVB 截圖