雖然好多香港人鍾意飛去韓國買化妝品，但遊日時去藥妝店掃貨仍是大家的指定節目，因為made in Japan質素佳，而且種類又多。遇正包裝靚的品牌聯乘系列推出，更必入手。近日編輯到東京美妝店尋寶，發現不少品牌都推出卡通聯乘系列，包裝設計超精美，即使不是卡通迷亦有衝動買來做手信！1

 

超夢幻！Disney x DHC

日本有不少美妝品都以通訊販賣形式發售，其中最為香港人熟悉之一的有DHC。自從2016年4月官方宣佈暫時停止香港直營銷售業務之後，大家想買DHC就要飛去日本。DHC一直行天然簡約路線，近年開始推出聯乘商品。最新的吸睛美妝品是跟Disney合作，包括防曬乳液、保濕潤唇膏、公主潤手霜和Marie貓咪彩妝系列，粉色包裝好夢幻！

SUNCUT Q10 EX防曬乳液加入DHC的皇牌Q10成分，加強修護功效。用上Rapunzel長髮公主的經典紫黃色包裝，公主控必like！  (每支1836yen，約HK$129)

 

DHC Lip Cream採用低敏感溫和成分，質地好滋潤。聯乘系列共有3個款式，分別是Tinker Bell小仙女、Rapunzel長髮公主和Marie貓咪。唇膏蓋用上粉色彩繪設計，好靚！每支756yen，約HK$49。

 

Hello Kitty亦有跟DHC聯乘推出Lip Cream，售價一樣，貓迷留意！

Marie貓咪彩妝賣相超靚！一套3件包括胭脂、唇膏及唇彩，各有兩種顏色選擇，都是自然啡紅色系，容易配搭。Disney甚少推出Marie的產品，粉絲必買！

 

公主礦物潔面套裝，包括支裝潔面泥5g及面膜7包，用上白雪公主、長髮公主及茉莉公主作包裝，你捨唔捨得用？售1296yen，約HK$91。

 

選擇眾多 SteamCream

一盒可以用勻面部、頭髮及全身的SteamCream蒸汽乳霜，製作過程中以高溫的蒸汽將原料混合製成乳霜狀，能迅速被皮膚吸收。乳霜用上不同花款的包裝盒，自2007年於日本推出後大受歡迎，香港行貨可於莎莎買到，但日本經常推出聯乘限量版，近期就有Beaute and The Beast和Snoopy，啱晒fans珍藏！每盒1620yen，約HK$113。

夏日必備！Snoopy x ettusais

ettusais的皇牌產品是清潔及毛孔護理系列，近日跟Peanuts聯乘合作推出限量版Peeling milk & sheet，Snoopy、Woodstock、Charlie Brown & Friends齊齊出動，走入Loft的美妝部即見到大大個booth任你揀。

超期待！美少女戰士變身棒唇膏

去年Bandai推出Sailor Moon唇膏引起搶購潮，今年6月將推出變身棒唇膏，有齊5位美少女戰士專屬的變身棒作為唇膏瓶身，全部用上女人一定啱搽的粉紅及紅色，超吸引！官網現已開始預售，每支3024Yen，約HK$212。

 

 

同場加映︰

超方便！不用塗美甲絲襪

早前網上瘋傳一段影片，關於女生穿上連趾甲貼的絲襪，以假亂真，而且美甲貼款式多好吸引。走入東京Loft的美甲專櫃有得賣，暫時只有3款選擇，每對售735Yen，約HK$52 。絲襪質地不錯，但彩繪甲貼的質素一般，有冇興趣買來試著？

幫毛孩護眼！寵物電動眼罩

有冇想過為你的貓咪和狗狗護眼？當然不是為牠們塗眼霜喇！日本有公司推出寵身專用的電動發熱眼罩，絲絹布眼罩內有充電池，只需接駁USB差電就可用，建議每次用10分鐘。附送跟眼罩同款的保護袋，好精美！售5292Yen，約HK$370。

 

延伸閱讀︰性價比超高！率先住東京時尚酒店

Text & Photo︰Joey Chen
Photo︰網絡圖片
(*文中價錢以100Yen兌換7港元)