無論你平日鍾唔鍾意扮鬼扮馬，來到一年一度的萬聖節都應該放鬆心情盡情狂歡，將日常的工作和生活壓力釋放。除了吃喝玩樂，當然唔少得化個「鬼妝」嚇人，大家一齊we嘩尖叫，壓力統統趕走！

趁萬聖節大玩誇張造型，其實不用化得好detail，可以將重點集中在眼部或嘴唇便可。在眾多「驚嚇」妝容中，以吸血美魔女最受女士們歡迎，皆因紅唇易化，效果恐怖得來又夠美艷！其次是鬼娃娃造型，臉頰紅紅加上櫻桃小血唇，驚憟中見可愛感。今年更可以大玩波浪眼妝，絕對夠晒誇張突出！

血唇妝貼士

血盆大口雖然夠驚嚇，想紅唇效果持久，先塗上潤唇霜打底，然後用印的方式蓋一層薄身粉底於嘴唇上，用唇掃勾畫唇形，再塗上兩層唇膏。加添創意，更可做出獨一無二的Halloween Look。例如利用黑色眼線筆勾畫萬聖節圖案，又或混合橙色唇膏營造血痕等特別效果。

除了血紅色唇膏，更可以塗上各種誇張唇色，只要是平日不會化出街的妝容，在萬聖節就一定夠搶！

編輯推介︰

浮誇波浪眼妝

網路大熱的波浪紋眼線和眼眉，兩者結合一起，就是最trendy的萬聖節妝容！其實畫波浪紋並唔難，重點在於要夠幼細，兼每個波浪彎位要平均，多畫多練習就有進步。除了黑、啡色眼線，萬聖節大可以用紅色、橙色、綠色、藍色等眼線，加強funny感！

編輯推介︰

「懶人」預約萬聖節妝容服務

如果你還未想好今年的萬聖節造型？又覺得化萬聖節妝麻「鬼」煩？咁就要搵專人幫手。溫馨提示︰不少專櫃化妝服務費用可以redeem化妝產品，換支紅色唇膏去party時補妝用。記得提早預約呀！

打造最搶眼哈佬喂造型
今年Make Up For Ever 提供萬聖節化妝服務及產品套裝，除了可揀選建議妝容外，亦可自備心水造型，45分鐘就完成！由即日起至10月31日致電店舖預約，可於全線專門店及專櫃化妝。HK$380/45分鐘

「鬼火咁靚」萬聖節化妝服務
Benefit幫你化「鬼妝」，於即日至10月31日期間去任何Benefit專櫃或專門店購物滿HK$380，即可免費體驗15分鐘「鬼火咁靚」萬聖節指定造型化妝服務，令你全場最「鬼」靚！