[embedyt]https://youtu.be/Vy2k2lcMGvA[/embedyt]

差不多有10年冇做電影主角的黃子華，在新片《神秘寶藏》中做張保仔拍住鄭中基尋寶。
電影原來於2014年拍完，兩年前在影視博覽宣佈上映，但兩年來一直音訊全無。據知由於後期製作需時，差不多的橋段和人物，電影遲遲未上畫，結果讓TVB套《張保仔》食頭啖湯，冇晒新鮮感。

由《行運超人》「斷蟹」到《低俗喜劇》「暴龍哥」，鄭中基每個喜劇角色都極之深入民心，今次自導自演，全因他自小就很崇拜張保仔，但他卻將張保仔這個梟雄角色交給黃子華（據聞本來想由古天樂出演，但因檔期問題突然要易角，由黃子華頂上）。

張保仔是香港代表人物，張保仔洞更是長洲必到景點之一，子華神對於有人認為他適合出演這個角色感到非常榮幸：「我這個張保仔是個非常開心的瘋子，為了自己開心可以盡情地遭質身邊的人，很有霸氣，我最經常虐待的人就是導演鄭中基，而我每次搞完他都要問我做得夠唔夠好。」黃子華更自創Free Style台山話為角色增添喜感，亦不怕觀眾將他與《魔盜王》尊尼特普比較。
在《神秘寶藏》中每名演員都分飾兩角，陳法拉同時飾演鄭中基女友及黃子華老婆，而兩位男主角亦會為她大打出手。陳法拉放低形象以黑面、刀疤、黃牙醜爆女海盜造型登場，仲會一展動作細胞與兩位男主角大打出手！子華神之前與陳法拉合演舞台劇《前度》叫好叫座，一票難求，今次於《神秘寶藏》做埋夫妻。而有份參演的田啟文亦表示台前幕後為拍好套戲落足心機，「要拍海戰需要好大工程，做後期又要花好多時間，希望觀眾滿意效果！」（上映日期：11月2日）

Text: Lam Wing Kee