農曆新年最緊要一家人開開心心團聚食餐飯，無論團年飯抑或開年飯都咁重要，如果太多親戚好難在家中煮飯，出街食就要預早訂位喇。唔想去一般酒樓點菜食飯？編輯精選以下特式賀年菜，自己對號入座，趁早book位！

 

特式賀年火鍋

新年飯唔一定要坐定定食中菜，鍾意打邊爐的人，推介「酒鍋」豬年新春應節火鍋。如果是初二開年飯，就一定book銅鑼灣V Point分店，可以睇住賀歲煙花打邊爐！

豬年新春菜單中必食「魚游佛跳牆」，以新鮮熬製的雞湯，加入冬菇、鮑魚、瑤柱、海參、花膠及素翅等上等食材，以慢火蒸燉超過十小時，打造新春富貴火鍋湯底；而兩條以鮮墨魚滑製作的「富貴錦鯉」綴上食用花朵，新年都要相對食先。

火鍋配料亦十分應節，「金豬報喜」以趣致小豬造型亮相的餃子；「流心芋茸墨魚丸」以富貴錦鯉造型登場，創新地將芋泥混合墨魚。還有用料矜貴的「鵝肝醬匈牙利鬈毛豬肉丸」及「魚子醬匈牙利鬈毛豬肉餃」，前者混合匈牙利鬈毛豬及來自意大利的高質鵝肝醬打成肉丸；後者則以高級意大利魚子醬注入匈牙利鬈毛豬肉製成餡料，餃子包成花型，寓意花開富貴。

 

酒鍋豬年新春菜單除了以上應節食品，亦包括其他人氣配料，如「掛架頂級安格斯牛小排」、「精選海鮮拼盤」、「台灣空運鴨血」、「肥媽墨汁腸」、「即炸手工紫菜嚮鈴卷」、「金沙鹹蛋炸魚皮」、「三色鮮制生麵」、「蔬菜拼盤」、「包羅萬有福袋」，小食「芥末牛柳粒」及刺身「加拿大海膽杯」。  (每位HK$468/四位起計。

「酒鍋」地址︰銅鑼灣登龍街18號V Point 27樓

新春素菜之選

近年愈來愈多人鍾意食素，賀年菜式亦有「睇得又好食」推介，口味絕對唔「齋」！人氣新派素菜館「心齋」推出「花開富貴」晚巿素菜盛宴，以十三道的菜式喜迎新歲。為春節而特別設計的前菜打響頭炮，包括「黑椒百合蘆筍」、「春意山藥」及「黑松露如意餃」；另有「香煎芙蓉鮮竹」及「海珊瑚藻什菓沙律」。

主菜方面備有十二款可供自由選擇五道菜式，當中包括清新爽脆的「玉環素千層」；寓意代代平安的「特級松茸石榴球」，展現東方美食注入西式奢華氣派的風味；另外還有「咕嚕魔芋」、「乾鍋百頁豆腐」、「水煮百靈菇」及「榆耳蓮藕鍋」。

 

為保持食材質素，「心齋」長期與有機農場合作，新春菜單的推介包括「紅燒雞縱菌」、「古法蒸猴頭菇」、「松露琥珀杏鮑菇」、「天香炒百合」及「三寶扒時蔬」，全部都是有機風味；而「豉汁蟠龍蒸鮮竹」更用上秘方烹調鮮竹。新春素菜盛宴以「如意炆素麵」作結，並送上精華甜品美點。此套餐限定於2019年2月5日至2月7日（大年初一至初三）晚市期間推出，每位HK$368/兩位起)。

「心齋」地址：中環花園道51號科達中心3樓

窩心限量版盆菜

唔想自己煮，又怕出街同人迫，外賣盆菜就是最佳選擇。今年大官廳與Le Creuset合作，首度推出限量版金豬獻瑞新春盆菜，附送Le Creuset圓形琺瑯鑄鐵鍋20厘米(Flame) (零售價HK$2,988) 及型格手提籃。大廚炮製15款賀年珍品，適合4人享用，包括蠔皇南非原隻鮑魚(八頭)、頭抽煎焗中蝦、頂級沙井金蠔、蔥燒墨西哥刺參、古法鮑汁扣鵝掌、紅燒黑豚腩、醬油龍江雞、大官燒米鴨、柱侯南乳炆豬手、鮮枝竹扒津白、蠔皇扣天白花菇、發財髮菜、高湯西蘭花及香酥炸茘芋，寓意新年行好運。每份售HK$2,988元，由即日至2月4日期間訂購。買盆菜附送Le Creuset鑄鐵鍋，而且更是喜慶Flame火焰顏色，夠晒應節。

網上訂購： https://www.tycoontann.com/whats-on

「大官廳」地址︰香港中環威靈頓街74號地下至2樓