今年中秋又來了，各式各樣的月餅相繼出場，你準備好迎接中秋未？數到近年最搶手的人氣之選一定是流心奶黃月餅，今年有好多牌子都大推流心月餅，若然你唔係奶黃控，其實亦有好多選擇。編輯部搜羅多種款式，嚴選出今年的各大月餅之最，睇睇邊款係你心水，記住手快有手慢冇呀！

最消暑 — Häagen-Dazs

雪糕月餅最啱鍾意冰凍享受的朋友，Häagen-Dazs今年與LINE FRIENDS合作推出網店限定雪糕月餅，除了禮盒上印有多位人見人愛的角色外，雪糕月餅上還有Line系列主角Brown、Cony、Sally及 Choco的趣緻立體造型，睇見立即「心心眼」！每個雪糕月餅由不同口味的白朱古力脆皮外層包裹著雪糕。 HK$378

最又食又玩 — Starbucks

每年Starbucks推出的月餅禮盒都可以又食又玩，今年以「為您摘下天上明月」做主題，禮盒內藏一個獨特的月球燈籠，連同內附的LED小燈放置燈籠中，就可以點亮中秋。月餅齊備兩款口味，包括香滑奶黃月餅及雲呢拿奶黃月餅，每款各3個。HK$288

最可愛 — 奇華 x 小丸子

想唔想自製小丸子月餅？每個月餅都印有小丸子、爸爸、媽媽、爺爺、嫲嫲、小玉、花輪及野口的模樣，好可愛！奇華工作坊「小丸子奶皇月餅班」由經驗豐富的導師教授，從搓麵團、製作餡料以至包裝，一概讓您親力親為。如果你冇時間D.I.Y，亦可以買小丸子月餅禮盒！

最健康 — 位元堂

好多人覺得食朋餅唔健康，其實識得揀低糖和健康餡料就不用擔心。位元堂推出迷你柑桔桂花低糖白蓮蓉月餅， 用上柑桔果粒及桂花，配方使用健康的麥芽糖醇及添加蟲草Cs-4，深獲中醫師誠意推介。月餅禮盒設計同樣花盡心思，月餅禮盒上印有雀躍跳脫的兔子，盒內有 心意咭，可以寫下祝福語。HK$380

最法式  — Sift

想不想在中式的中秋節中，享受法式滋味？Sift今年推出法式月光6件裝朱古力月餅、皇牌曲奇餅禮盒、滿月湯丸法式西餅、以中秋為主題的馬卡龍、曲奇棒及杯子蛋糕等。對於不愛吃奶黃、蓮蓉的你，絕對是滋味的另類選擇。

最少女 — Vive Cake

食月餅總是給人傳統的感覺，其實女生想食住月餅selfie打卡亦有好選擇！Vive Cake Boutique於今個中秋推出酥皮奶皇月餅禮盒，包裝設計充滿少女夢幻feel。一盒四件裝的酥皮奶皇月餅以帶有淡淡椰子香的酥脆曲奇外層，包裹著奶皇 餡料。禮盒以有「仙鶴」美譽的丹頂鶴為主角，搭上夢幻粉紅色及月亮雲朵的包裝設計，好少女！HK$298

最有味 — duria榴冠王

數到最「有味」的月餅，一定非duria榴冠王莫屬。來自馬來西亞的duria推出口味多元化 的貓山王榴槤冰皮月餅。除了原味榴槤外，更有多款不同配搭的冰皮月餅。推介月光寶盒 (The Pandora Mooncake)，共6款不同口味，包括香草榴槤、芒果榴槤、咖啡榴槤、碳香榴槤、藍莓芝士及草莓芝士冰皮月餅。HK$398

最好意頭 — Blesscuit Bakery祝奇餅

不少人會於中秋買月餅送禮，Blesscuit Bakery祝奇餅今年首度推出兩款月餅禮盒，其中「祝‧花好月圓」月光禮盒，包括迷你香滑、流心及金桔奶黃月餅三款，更有三款配搭得宜的茶包，包括︰尊貴人參烏龍茶、清新小青桔普洱茶及珍貴白龍珠茶，能中和月餅甜膩 。

最療癒 — CheckCheckCin x 望月 

每年食月餅都怕食滯，絕對需要一杯有消滯消脂功效的茶療幫助解膩。 CheckCheckCin今年首度與望月聯乘，推出限量版月餅茶療禮盒。望月的酥皮奶黃月餅的香酥外皮、蛋黃的鹹香與奶皇的幼滑是最佳配搭；而 CheckCheckCin茶療包括︰山楂、穀芽及麥芽具消脂消滯功效；淡竹葉、粟米芯及荷葉則能清熱袪濕。 網上預定價HK$208

最茶香  — Tea WG

食月餅當然要配茗茶喇！Tea WG今年推出皓空之茶茗茶月餅禮盒，皓空之茶(White Sky Tea) 用上白色鐵罐映襯一輪金色滿月，以銀針白茶，融入來自印度洋羣島的依蘭花，花香清甜。

月 餅口味包括︰星宿之秋在金黃餅皮下，注入獅城早餐茶的黃蓮蓉灑滿瓜子仁及金黃鹹蛋黃；豐盛之節用上黃蓮蓉內餡融入卡默洛茶 )，再摻入混合杏仁、榛子和山核桃；瑰寶之光以朱古力外層包覆香濃可可茶和散佈朱古力粒的白蓮蓉；壓軸的 (Ruby) 月餅，以紅寶石顏色餅皮包裹洋溢杏脯和蔓越莓乾和注入蝴蝶夫人之茶的白蓮蓉。HK$468