運動界一樣有精明眼，早已是運動界購物王心頭好的法國 Decathlon 終於來到香港開專門店，而且一係唔開，一開開兩間，8月1日空降旺角和銅鑼灣！運動應該是人人都享受到的樂趣，就是這個宗旨令法國 Decathlon 成為運動界的 IKEA ，以平靚正出名，令人真心 like！賣點1　平到無人信
一個7L背包最平多少錢？Decathlon 賣 $19！平過一杯咖啡！不要以為產品會將價就貨，睇相，款靚色靚。實試質料，屬耐用厚料 。價錢平，是 Decathlon 的一大特色，品牌強調產品設計，研發全由法國總部負責，有嚴格要求，生產線分佈全球，再加上產量大，所以可大力控制成本。

＊＊至抵價：薄身料摺疊式背包，摺完細到似銀包，最適合行山用，$16。

賣點2　好玩過癮設備
運動係 fun，在 Decathlon 除了有VR畀你模擬各種運動嘅好玩刺激，仲有超 fun 嘅摺合式乒乓球球枱（小型枱面：90cm x 45cm $299; 大型枱面 140cm x73cm $429）無論放放在屋企、辦公室，真是開心到暈！ 還有可摺合的羽毛球網！

賣點３　70種運動全面睇
我真的無法數出 70 種運動，但 Decathlon 就有 70種運動的用品，瑜珈，行山，游泳，單車，足球，籃球，羽毛球，網球，當然有，少見的划艇，露營，滾軸溜冰，馬術用品在旺角總店都一應俱全，唔識玩，只是行下睇下都長知識！

賣點 4 好玩好 hea
所有運動產品都有大人和小童之分，根本就是一家大細啱用，情侶拍拖 shopping 好去處，當然更加係運動友一齊搵裝備嘅好去處。因為除了shopping，場內還有超迷你的籃球 / 足球場、簡單攀石牆、迷你乒乓球球枱、迷你羽毛球網和小型 roller徑，雖然每個場地方小小，但氣氛超正！介紹返，旺角總店25,000呎，有齊晒呢啲設施嘅空間，設計不錯吧！昨天（8月1日）開幕時，特別和香港區總裁閒聊，當然，香港總店無法與法國總壇一幢式數層樓相比，但在香港已經是很破格的運動迷購物天堂！
賣點 5 智能貼心
當你去試身室試衫，可以玩下房內的 smart fit，把衫在mon上一掃，衫的資料會全部顯示，包括功能，顏色選擇特，與此同時，亦有功能可聯絡店內售貨員，譬如件衫size 不對相試另一件，一按就可，不用重新更換衣服，與售貨員聯絡。