無論係香港定外國，真係愈來愈多人鍾意遠足行山，冬天當然要著對保暖又保護雙腳既運動鞋，但到咗夏天，爬山鞋真係太侷促了，著一對舒適又通爽，可水陸兩用既涼鞋係咪仲爽先？專利功能
來自美國波特蘭的品牌Keen，係著名既戶外鞋履品牌，早於2003年已經設計出一對於風帆運動為靈感既運動鞋，在邁向15年之際，品牌再以呢對「涼鞋之王」Keen Newport為基礎，推出限量進化版Keen Newport ATV，唔單止多功能，仲好舒服。呢款鞋有專利既護趾技術，鞋頭前段有包覆設計，可以在上山下海之時都能保護雙腳。另外仲有疏水抗菌的Cleansport NXT內襯，可長時間保持雙足乾爽；而鞋底又高耐磨及超強抓地力，就算行走崎嶇出路或穿越溪澗叢林都無問題！另外仲有同樣功能但其他款式及顏色既系列選擇。

織出活力
如果你想揀fancy一點既戶外涼鞋，那麼同樣來自美國的Chaco品牌應該會討你歡心！女人都係貪靚，但好多時真係戶外用既涼鞋款式都唔多搶眼，但Chaco就係針對呢點而設計，今個夏天仲推出咗好多色彩繽紛既戶外涼鞋。今次推介既係「Z」系列，有幼帶及粗帶兩款，無論粗帶定幼帶都以搭帶交錯，好有層次和質感；另外仲有包頭涼鞋「Evo」及人字拖涼鞋「Cloud」系列，適合唔同男女士需要，當然重點都係Chaco既混色織帶，每對涼鞋都有唔同既織帶配搭，真係好靚好搶眼！

水陸兩用
又或者你想取個平衡，有功能性之餘，又想靚啲，推介美國戶外品牌Merrell，今個夏天品牌推出可以行山下水既All Out Blaze Web水陸兩用涼鞋系列，以織帶加網布鞋面設計，走過水澗後能快速地流走鞋身水份，再配上 M-Select™ FRESH 技術，讓雙腳時刻透氣，保持乾爽舒適。前腳掌和後跟均使用粘扣帶，方便隨心脫下或穿上。鞋履的Neoprene橡膠及EVA鞋底，有助分散落地時的衝擊力及增加起步時的穩定性，在不平的石路上行走也能得到柔軟的保護，加上耐磨既鞋底又有造抓地效果，可輕易在濕滑的地面站穩陣腳。女裝仲有湖水綠同鮮紅色選擇，著住行山玩水係咪安心又開心呢？