星期日大家除了上茶樓和父母一盅兩件外，可能有不少人都會選擇睡到自然醒，然後吃一個brunch，再慢慢展開悠閒的weekend。以東岸海鮮菜為靈感的 Cull ’N Pistol，在6月又有新搞作，以加拿大波士頓龍蝦、法國大肉蟹和挪威三文魚等海鮮入饌，炮製成清新美食，帶來一系列經典 Brunch 菜式。Benedict 狂熱者不可不試這個「蟹餅班尼迪蛋」（$158），將傳統的煙肉或煙三文魚換成自家手打蟹餅，法國大肉蟹以洋蔥和白酒炒香，加入薯仔、巴馬臣芝士、芥末和蛋黃等搓成蟹餅，最後沾上麵包糠炸香，入口鬆脆、充滿鮮味；荷蘭汁又會混入美國地道香料 Old Bay Seasoning，更香滑濃郁，將水煮蛋刺穿後拌勻同吃，口感甚富層次。喜歡炒蛋的你就可選擇「焗龍蝦配半熟炒蛋」（$168），半熟炒蛋混入龍蝦肉，頂層鋪上自家製荷蘭汁和原隻龍蝦鉗，入口啖啖鮮爽，伴以酸種麵包多士品嘗，香脆可口。另外，「鹹牛肉芝士三文治」（$118）則是惹味之選，適合喜歡鹹香的朋友，厚多士內夾以鹹牛肉和半溶的車打芝士，以腩位製作的鹹牛肉，帶少許脂肪，口感軟腍，烘香後更顯鹹鮮美味。還有招牌菜式「自家醃製三文魚伴水煮蛋及多士」（$158）亦演繹成早午餐菜式，挪威三文魚以紅菜頭、檸檬皮和刁草等醃製三天，濃郁鮮味，伴以水煮蛋、三文魚籽醬、牛油果蓉和酸種麵包多士，配搭清新。悠閒的午後，又怎可以缺少一杯氣泡酒？只要另加$198則可以於2小時內無限暢飲意大利 Prosecco 氣泡酒，與朋友舉杯，歡度寫意週末。

還不在今個週末同男朋友、閨蜜們一齊食個brunch，開始一個質感週末？

Cull ’N Pistol
地址：西灣河鯉景灣太康街 55 號 A 期 GA1-3 號舖
供應時間：星期六、日及公眾假期 11am-3pm

Text: Nicole Wu
Edit: Joey Chen