倒數300日小顏計劃 | 旭茉JESSICA


Hot key words




主頁 / / / 倒數300日小顏計劃

倒數300日小顏計劃

Joey Chen2018-05-08

世上有邊個新娘子唔想在big day當日擁有「零死角」V面,影咩相都靚爆鏡呢?為了達成呢個理想,我從一年前開始已經密鑼緊鼓地做facial保養皮膚。蜜糖線面 砭石按摩 、深層清潔護理keep住每星期都做,但貪心女人的瘦面慾望係無止境嘅,唔少人都以為我面尖尖冇咩問題,實情係我經常水腫,於是面腫、淋巴脹、雙下巴和頸紋統統出現!能夠讓我改善雙下巴、keep住小顏的就是HIFU V。

好多人都知做HIFU(高能量聚焦緊膚儀)可以瘦面,其實重點是要令輪廓靚。不少美容院都有HIFU機,但大部分機頭只有3個深度(最深為4.5mm)。我的選擇是Oasis Medical的HIFU-V療程,它們從韓國引進「第5代HIFU-V雙倍速效聚焦緊膚儀」,採用獨特雙速雙軌探頭,速度比傳統單一能量更快速;更加入獨特的 6.5mm機頭,針對收緊雙下巴,達致收緊及刺激膠原蛋白再生。除可減淡法令紋,提升眉形及蘋果肌,更可緊緻頸紋,全方位改善面部輪廓。

 

我從大日子倒數前9個月開始試做第一次,原本擔心療程前不塗麻醉膏會很痛,但竟然做最深層的6.5mm機頭亦不覺痛,效果好明顯。然後於倒數3個月前再做,成功keep住小顏!

面是瘦下來了,可是我在大日子倒數兩個月突然出現皮膚敏感,擔心死我!明明已經戒吃煎炸食物,加上勤力護膚,還是敏感了,好明顯是因為情緒緊張和壓力所致。不停在內心呼喊自己要放鬆,然後進一步戒吃牛肉,多吃士多啤梨,盡早睡覺,情況稍有改善‥‥‥可是在倒數一個月時,突然又復發,面上長紅疹,美容師提醒我可能是濕毒,因為3月正是潮濕天!

幸好我有個偉大媽咪,她立即幫我搜尋去濕毒良方「茯苓薏米薑茶」,為我煲了第一次後,我keep住連續10天自己煲,每日飲3碗,其實從第5日開始,面上紅疹已清,身體水腫亦消失了!網上秘方說根據不同體質可能會有瘦身效果,在我身上而言,好明顯是水腫消了,體重自然減輕!Big day當日在酒店套房內我爭取最後一刻煲來飲,換來我就是去多幾次廁所,然後面部水腫亦一齊沖走!

茯苓薏米薑茶
材料︰茯苓15g、薏米20g、生薑3片
做法︰
1. 將茯苓、薏米清洗,放兩碗水浸20分鐘
2. 加入生薑,開火煮滖後,轉慢火煲20分鐘,這時應剩下一碗水,趁熱飲。
3. 然後加一碗半水再煮滾後,轉慢火煲10分鐘再飲。
4. 重複步驟3,最後再飲一次。

 


Tag: