中西對決!睇海景嘆新款海鮮菜式 | 旭茉JESSICA


Hot key words



主頁 / Not-found / Wine & Dine / 中西對決!睇海景嘆新款海鮮菜式

中西對決!睇海景嘆新款海鮮菜式

Tiffany Fung2017-06-26

夏日炎炎,口淡淡無胃口,食海鮮就夠晒清新開胃了!你會喜歡中式還是西式的海鮮煮法呢?
西西里味道

如果你是西餐的愛好者,一定要試Cucina餐廳由即日至7月18日推出的6款地中海菜式,意籍大廚Andrea Delzanno採用了意大利的在地食材,包括紅蝦、西西里小龍蝦、劍魚、墨魚、龍蝦和帶子等等,造出吸引的意國風味菜式。
121

而意大利飯配墨魚、海蜆、青口、龍蝦、帶子及番茄(HK$428)就以5款精選海鮮炮製,意大利飯吸收了海鮮的精華,還有女生最愛的芝士香氣,非常惹味。 Cucina 地址: 尖沙咀海港城馬哥孛羅香港酒店6樓

中式滋味 你獨愛中菜的話,唯港薈的天外天中菜廳都推出全新的夏季餐單,中菜行政總廚徐偉輝師傅結合傳統和時令食材,炮製了一系列吸睛的現代中菜!必試金腿玉子豆腐釀長腳蟹(HK$218),菜式選用日本長腳蟹,將玉子豆腐先蒸後炸,更以冰水浸泡以保持完整形狀,再釀入用蟹殼湯熬過的蟹肉,上菜時淋上金腿上湯,食落層次豐富!

而XO 醬百合蘆筍炒原隻鮮鮑角(HK$498 )就以三頭南非鮑魚切成角粒,再加入百合、蘆筍和自家製XO 醬快炒,鮑魚肉質嫩滑,同樣值得一試。 天外天 地址:尖沙咀東科學館道17號唯港薈28樓頂層

兩間餐廳的景致都值得一讚,你可以一邊品嚐海鮮,一邊睇維港靚景,最適合約閨蜜談心。 Text: Tiffany Fung