想陪男友睇世界盃但怕悶?呢4個解悶建議你要知! | 旭茉JESSICA


Hot key words



主頁 / Lifestyle / Leisure / 想陪男友睇世界盃但怕悶?呢4個解悶建議你要知!

想陪男友睇世界盃但怕悶?呢4個解悶建議你要知!

Catherine Ko2018-06-13

四年一次的足球盛事世界盃又開鑼喇!相信唔少男士們都會坐定定喺電視機前面等開波。對於一些唔識睇波,但又想乖乖地陪男友睇波的女朋友們,就要準備好一些解悶活動,唔知以下呢4個建議又幫唔幫到你呢?

 

建議1.吃零食
如果你想和男友一起分享睇波樂趣,那就一定要準備好一大堆零食。如果怕肥,你可以買定一些用天然、健康的食材來製作的零食。如果唔知去哪裏找,你可以試試這間售賣天然零食的網上店鋪—> www.naturestwist.co 。如果你是球迷,當然會知道一些足球規矩,自然就能夠享受睇波樂趣。不過對於一些完全對足球零興趣的女士,你就要在開波前做足功課,知道有甚麼足球知識一定要知,那就可以在睇波過程,和男友一起討論球賽啦!

 

建議2.做運動
食得多零食,當然要做吓運動啦。而且夏天又到喇,一眾女士都要積極減肥,等到適當的時機來到,就可以大show美好身材!因為今年的開波時候會在傍晚及飯後時段,所以大家可以趁著這段時間,在家中做一些唔會影響到男友的小型運動,例如sit up、mountain climbers、plank等運動。如果唔知點做,大家不妨跟著以下影片中的女士,做一些較輕鬆又可以達致修身效果的運動來消磨時間。甚至趁著中場休息,拉埋男友一齊做part小運動!既可以做運動之餘,又可以陪到男朋友,真是一舉兩得!
 

 

建議3.美容時間
對於一些在美容方面較懶惰,或平時返工好忙的女士,現在就可以趁著這段陪男友睇波的時間來做個全面美容護膚!因為由開波到散場(不計加時)會有90分鐘時間,你可以慢慢按步驟來做護膚。先由深層清潔開始,做個去角質清潔、磨沙、敷面膜等,然後再慢慢把護膚品塗上面。如果還有時間,你可以在洗澡後,用一些保濕body cream塗在上身,因為夏天開冷氣時,會把你身上的水分抽乾,所以塗上body cream就可以幫你keep住有水潤的皮膚。除了自己做護膚之餘,不妨趁男友睇緊波的時候,順便幫他敷個面膜呀!

 

建議4.打機/看書/煲劇
如果你還是覺得以上3個建議不能解悶的話,你可以選擇做一些靜態的活動。例如看書,你可把你買了很久但長期看不完的書籍拿出來,然後慢慢逐本把它看完。如果覺得看書太悶,你可以打機或煲劇,當然在打機/煲劇的過程中最好把聲音關掉,或者帶上耳機,避免聲音影響男友睇波的心情。

 

希望以上4個建議都能夠幫到你在這段期間做個乖乖女朋友,陪男友睇波!如果其他女士還有其他建議,不妨拿出來和大家分享一下。

 

 

Edit:Joey Chen 
Photo:網路圖片