【TVB台慶】由台上鬥到紅地毯!13位「別出心裁」的女星衣著 | 旭茉JESSICA


Hot key words



主頁 / People / Gossip / 【TVB台慶】由台上鬥到紅地毯!13位「別出心裁」的女星衣著

【TVB台慶】由台上鬥到紅地毯!13位「別出心裁」的女星衣著

Catherine Ko2018-12-17

《萬千星輝賀台慶頒獎典禮 2018》昨晚終於順利完滿結束,各個獎項已經揭曉。馬德鐘憑著劇集《跳躍生命線》中的一角奪得視帝寶座;視后則由李佳芯在《BB來了》一劇中的角飾而取勝!每年的焦點除了是獎項的得獎名單外,另一值得留意當然是各女星們的衣著打扮啦!唔知大家又點睇呢幾位女星嘅造型呢?

 

1.簡約平凡 — 李佳芯
Ali憑著《BB來了》獲得「最佳女主角」,成為今屆出爐新視后。Ali在劇中把角色發揮得淋漓盡致,完美演繹了由意外有咗,到BB出世後患上產後抑鬱症的感覺,實力的演技被大眾肯定,今次拎埋視后真係勁吖!一向打扮簡約的Ali,今次就穿上了這件拼色的長紗tube dress 晚裝裙,雖然係無咩睇頭,不過好在簡潔而不俗。

 

2.幸福人妻 — 黃翠如
翠如BB一向都係好多男士們心中的女神,不過蕭正楠昨晚在台上領獎時,卻自爆二人已經結婚,女神翠如從此正式被蕭正楠私有化!翠如BB以一條甚為簡潔,又有氣質的黑白色長裙現身,整體造型雖然敵不過現場其他衣著性感的女星,但勝在有甜美幸福的笑容搭救,令她整個total look看起來更加青春。

 

3.大show「事業線」— 薛家燕
今期紅到爆嘅Captain Nancy — 薛家燕,一出場就令到全場起哄。現年68歲的家燕姐以一身紅色晚裝到場,亮點係心口個V領設計,罕有地大show「事業線」。同時入行60年的家燕姐更獲得大台頒發「萬千光輝演藝人」一獎,簡直是實至名歸!

 

4.透視性感 — 陳煒
煒哥每一次一出場都令人嘩然!今次她穿上由香港設計師 Dorian Ho設計的藍色透視晚裝上陣,最搶眼一定是裙子中門大開的設計,令煒哥fit到爆的身材表露無遺!

 

5.閃爆全場 — 王君馨
一向走型格路線的Grace,今晚就以一身all black閃片套裝出場。套裝入面仲襯咗一件性感吊帶黑色小背心,有型得來又可以show吓fit爆身材,造型不會太俗氣,配搭得剛剛好!

 

6.超高衩 — 張曦雯
Kelly以一條十分普通的nude 色高衩tube dress現身,雖然普通不過好在有個高衩設計補救。Kelly 一出場大家都被她的長腿吸引著......不過突然有陣怪風吹過,頓時令Kelly手足無措。幸好最後都無走光,繼續讓她大show長腿,吸睛度甚高!

 

7.型格黑裙 — 黃智雯
同樣是今屆大熱視后人選的Mandy,在紅地毯上十分有自信地穿上這條簡單得來,又有點details 的黑色晚裝長裙,時尚得來又能令Mandy看起來更具氣質。雖然落敗視后寶座,不過小編相信以Mandy的實力演技,下年一定會再有提名!

 

8.大媽變公主 — 馮盈盈
繼上個月的台慶大日子,馮盈盈以透視大媽feel的晚裝裙成為全場焦點。唔知今次係咪知道上月的大媽裙「出晒事」,所以今次選擇了一條好穩陣的白色露肩晚裝裙出席呢?不過胸前幾朵的白色小花設計是甚麼一回事?係咪想營造聖誕氣氛呢?點都好,小編在此再次恭喜盈盈獲得「飛躍進步女藝員」!

 

9.吊帶睡衣 — 麥明詩
麥明詩的衣著品味一向都唔係太好,今次Louisa亦唔例外,襯到「出晒事」!她以一條絲般質地的吊帶紫色長裙,然後再披上一件毛毛外套現身......唔知Louisa係咪唔知醒,怕遲到化完妝唔記得換衫就出街呢?

 

10.天鵝湖 — 蔡思貝
蔡思貝這身打扮.......真係唔知點形容。小編一睇到,只係聯想到著名芭蕾舞劇《天鵝湖》中的表演者......大佬吖,依家係叫你出席頒獎典禮,而唔係去做show、跳芭蕾舞吖!

 

11.九唔搭八 — 胡定欣
胡定欣這條又閃,衫上仲有一條條銀色流蘇配飾的晚裝長裙,真係睇到眼到花!仲要set到個頭飄來飄去,披頭散髮,好似剛剛睡醒hummm.......可能佢呢排要拍好多劇......

 

12.自暴其短 — 譚凱琪
譚凱琪個子矮小,佢仲要揀了這件連身毛毛長身外套,令身高顯得更加矮小。如果凱琪可以把外套改短一點,露出多一點腳部位置,咁身高比例都會拉長一點。而且外套下身有好多毛毛,令整體感覺都好累贅......美感欠奉......

 

13.又嚟淘寶貨 — 湯洛雯
湯洛雯身上這條飄逸雪紡長裙,一上淘寶就已經可以揾到好多。雖然裙身有高衩設計,可讓湯洛雯show 吓美腿。不過整體來說,這條晚裝裙毫無design、美感可言。上身的小花設計「娘」味甚濃......唉,咁就出事喇......

 

以上咁多位有獎拎,或無獎拎嘅女星,希望大家都唔好放棄,明年繼續努力!拍多些高質的劇集給大廣欣賞一下啦。

 

 

Photo: 網路圖片

Other Articles