雨天做準備 時尚防雨look | 旭茉JESSICA


Hot key words



主頁 / Fashion / Style / 雨天做準備 時尚防雨look

雨天做準備 時尚防雨look

Roanna Lee2018-03-21
春天是萬象更新的時節,這個時候需要雨水洗滌心靈,同時孕育大地……想像是多麼的浪漫,但實際上下雨天外出十分麻煩,又要撐傘子,又怕衣服沾濕,又怕雙腳濕透,十分狼狽。不要怕,只要你撐的是漂亮的傘子,穿的是時尚又擋雨的外套,還有一雙可以防水的型格雨靴,那怕是多麼的大雨,一樣魅力十足!

下雨天總要配合合適的打扮,以下5種雨天必備單品絕不能缺少!

1. Rain Boot

雨靴rain boots有長有短,而且愈來愈多 pattern 和款式,但小編認為rain boots最重要當然是防水度高,污糟一清洗便可以,當然最好就係時當易襯,容易配襯不同衣著!事關rain boots唔會買好多對,所以百搭款式同顏色最好。法國AIGLE品牌有「雨靴中的勞斯萊斯」美譽,的確呢個品牌的橡膠靴十分舒適易襯,最近品牌更推出咗全新Macadames橡膠靴系列,以rock & roll為設計主題,超級有型百搭,分別有長靴、中靴及短靴款式,方便配襯不同服裝,仲有黑、深藍及金啡色3種顏色選擇,都係好易襯既顏色。

2. Waterproof Coat

雖然下雨天有時都會穿著雨衣,不過更大機會是穿上一件防水防風的外套,例如trench coat乾濕褸或Gore-tex外套。Trench coat今年十分流行,就算唔係下雨天一樣係受歡迎既配搭單品,所以下雨著就更加啱!如果想雨天都著到,選擇trench coat或風褸時,記住選擇一些防水防風兼透氣度高的Gore-tex物料既款式,因為咁先可以任何氣候都啱著。AIGLE的Garden Water trench coat、Trimarlowe Gore-tex魚尾外套和Balleta Gore-tex外套,都好啱襯rain boots,無論去戶外、日常上班、輕鬆逛街一樣好睇!

3. Rain Coat

小時候每當下雨天,媽媽總會為我們穿上雨衣;不過長大了,反而我們並不常穿著雨衣。其實這幾年也流行透明膠雨衣,而一些時尚品牌也有推出雨衣時裝,以PVC打造,好似今年Chanel SS18就是大量透明膠衣登場,更有透明膠帽及手套配搭呢!

4. Umbrella

下雨又怎可以沒雨傘,這是基本吧!近年好多人都愛用透明雨傘,除了透明,其實好多雨傘的圖案都好靚好吸引,撐起來十分搶眼。而且下雨天撐一把漂亮傘子心情也特別好呢!

5. Transparent Tote

今年都有唔少品牌推出透明膠tote,至少Chanel、Celine、3.1 Phillip Lim都有,呢啲PVC袋當然是雨天的好拍擋,用皮或布袋都肯定濕晒,一來心痛,二來連放置東西都濕埋就唔好啦!而膠的PVC袋當然就可以防雨水,唔驚整濕!

Other Articles