梅根父親首開腔:「我嚟唔到婚禮,她喊……」 | 旭茉JESSICA


Hot key words




主頁 / - / Gossip / 梅根父親首開腔:「我嚟唔到婚禮,她喊……」

梅根父親首開腔:「我嚟唔到婚禮,她喊……」

Judy Chu2018-06-20

皇室婚禮前後,Meghan Markle 娘家一直新聞多多:老豆 Thomas Markle 夾埋狗仔造假、缺席婚禮、家姐怒斥不尊重家人……一堆負面嘢,終於,一直沉默的老豆 Thomas Markle 親自出來解畫,令大家好驚奇。

是父親節後的晨早,Thomas 突然出現在電視節目《Good Morning Britain》接受 live 訪問,講到Meghan怎樣俾他知道自己在拍拖:第一次話有了新男朋友,第二次話對方係英國人,第三次話對方係王子,這時 Thomas 才估到 Meghan 正在和哈里王子拍拖,為了保密,他們交談時稱哈里為「H」;原來哈里王子求婚前曾先問準 Thomas 並得到他首肯,可見他尊重外父和尊重傳統,難怪 Thomas 說他是「a very nice man」、「a likable gentleman」,迄今二人未曾見面,但有時會傾電話;Thomas 又講到自己因病要做手術,好彩有查王斯王子代他陪 Meghan 行禮;訪問內容好正面,仲好溫情:「雖然哈里是王子,但我女兒自出娘胎也是我的公主」;又解釋造假相都係為搏好形象,事件穿崩後他已致電 Meghan 道歉,Meghan 也很體諒;婚禮當日 Thomas 其實匿埋睇直播,因為未能參與女兒的大日子,仲落淚:「我嚟唔到婚禮,她喊……」很感人是不?似乎 Thomas 護女情切,特登出來幫嗰女洗白,但又俾網民鬧爆,話他不應曝光他們私下的談話,又話他收了 6 萬美元出鏡費,一切都係睇錢份上。似乎 Thomas 今次未能為 Meghan 或者他自己加分,仲適得其反,大贏家恐怕是搏收視的電視台。

Photo:網絡圖片
Other Articles