黃子華變毒男!《棟篤特工》阿佘:「玩你一萬光年」 | 旭茉JESSICA


Hot key words



主頁 / Lifestyle / Leisure / 黃子華變毒男!《棟篤特工》阿佘:「玩你一萬光年」

黃子華變毒男!《棟篤特工》阿佘:「玩你一萬光年」

Lam Wing Kee2018-01-15

由黃子華、佘詩曼主演的狗年賀歲片《棟篤特工》將於2月15日年三十晚上畫,情人節更有優先場招待一眾情人。子華今次除了有西裝型爆特工造型,仲破天荒來一個毒男Look,你接受到這個子華神嗎?


子華神飾演的特工「Mr.Chan」造型多又爆笑,不過呢位港版007因為曾經對阿佘悔婚,結果被扮演madam的阿佘指派執行不可能任務,阿佘一見子華更眼火爆,講到明:「如果玩你有個限期,我希望係一萬光年!」但子華即刻更正:「光年係一個距離嘅單位嚟㗎。」


子華神在片中除了有齊特工強項:有腦、有型、睇得、打得、冧女得之外,仲有多個奇幻造型,包括著高腰牛仔褲孭背囊、亂髮配充滿霧氣的眼鏡,兼掛個老套腰袋,再戴埋個嘟嘴膠面具,引嚟戲中拍檔C君的恥笑,結果C君就被子華打到飛埋牆。另外,子華又有動漫cosplay以及一個笠電子頭罩的造型,他戴上連厚眼鏡的頭罩後,雙眼被放大到近乎鬥雞,更被阿佘重刑伺候狠狠折磨。 Text: Lam Wing Kee

Tag:

Other Articles