大驚喜!Alibi新英廚James Oakley以美食連繫人心 | 旭茉JESSICA


Hot key words



主頁 / Lifestyle / Wine & Dine / 大驚喜!Alibi新英廚James Oakley以美食連繫人心

大驚喜!Alibi新英廚James Oakley以美食連繫人心

Goosie Lam2017-06-06
次次去旺角飲嘢,一定會去Cordis嘅Alibi,坐喺bar枱煩住bartender,不斷話畀佢知我今日想飲乜,再坐喺度un un腳等佢tailor made一杯最啱我當日心情嘅cocktail。前幾日聽聞有位英國靚仔新廚上任,佢除咗煮嘢好食,仲相信食物可以連繫人心,於是即刻上去試下佢嘅手勢如何連繫人心啦!
坐低前做咗少少資料搜集,原來位英籍新總廚叫James Oakley,最叻就係將亞洲風味融入歐洲菜,佢仲曾經喺倫敦Claridges Hotel嘅米芝蓮星級餐廳Restaurant Gordon Ramsay同埋埃塞克斯嘅De Vere Arms Hote做廚,由倫敦煮到去布吉島,仲去過馬爾他,最近就嚟咗香港發展。



121
121
121
121

新官上任,James當然為Alibi嘅菜單加入咗好多新意啦。先講吓開心share嘅小食,蟹肉配紫菜薄脆同埋椰青片,從來無諗過咁嘅味道配搭,真係驚為天人;夏日番茄沙律用咗布拉塔芝士、橄欖脆片、新鮮羅勒葉和Bloody Mary 冰沙製作而成,咁清新嘅沙律,夏天嚟講係一定要點嘅;個人唔食鵪鶉蛋,但如果你好嘅話,呢味重塑蘇格蘭名菜的蘇格蘭鵪鶉蛋同鳥巢亦要試,仲有素食選擇迷霧森林,用山羊芝士慕斯、蘑菇、松子醬及食用苔蘚炮製而成,而我最喜愛嘅就係紅菜頭醃三文魚(介紹返先,Cordis好著重環境保育架,呢個新主餐牌上面所有海鮮菜式都係用可持續環保海鮮,全部都有世界自然基金會認可架),紅菜頭嘅甜甜地再加上環保海鮮加持,肉質鮮嫰到爆,你試過就知點解我會咁鍾意。

主菜方面,都係可以開心share嘅,James炮製咗西班牙羊肉二食,用照燒汁配以伊比利亞羊腩肉及曼徹格羊後腿,仲有西京味噌黑鱈魚伴新鮮蜆肉、牛油果蓉、水晶冰花、藜麥脆粒、海藻及秘製薯塊、同埋生牛肉他他,以手切美國西冷牛肉配我唔係咁好嘅蘇格蘭鵪鶉蛋,仲有脆牛肉和香烤酸麵團,食材唔算多,但見阿廚喺味道配搭嘅心思同技巧。

食完餐飯,我諗我同阿廚嘅心都連繫咗埋一齊喇! book枱喇喂: 地址:旺角上海街555號香港康得思酒店5樓 電話:+852 3552 3028 電郵:cdhkg.restaurants@cordishotels.com 營業時間: 星期日至四 10:00am - 01:00am 星期五至六及公眾假期前夕 10:00am - 01:00am Text: Goosie Lam

Other Articles