You are here

「四眼CUE后」吳安儀 再奪世界冠軍 為港爭光

0 SHARES

香港體壇呢排真係好事多籮籮,繼「神奇小子」曹星如21連勝之後,今個weekend最開心嘅,一定係「四眼CUE后」吳安儀再奪女子桌球世界冠軍。

「神奇小妹」兩度反勝
今年嘅女子桌球世界賽,4強賽事昨日終於展開,喺小組賽已經狀態大勇嘅吳安儀,昨日晨早10點就要迎戰世界「一姐」伊雲絲,11局6勝制下,「神奇小妹」最後以5:4反勝一姐伊雲絲。打咗9局,開開心心休息咗一個鐘,又要再戰印度球手Vidya Pillai,而且係冠軍爭奪戰。

有睇直播嘅粉絲,都應該見識到經驗豐富的Vidya,多次set出「雕鑽」「士碌架」令安儀出現多番失誤,由領先2:0到落後5:2。不過由朝打到晚嘅安儀並無放棄,見招拆招,仲set返精彩「士碌架」畀對方,仲追到5:5平手。同樣11局6勝制下,最尾呢局不容有失呀!

水腫有救!日日飲茶瘦身法

水腫有救!日日飲茶瘦身法

水腫有救!日日飲茶瘦身法

左手又係肉!傑運「星中之星」你點揀

打足一日終奪后冠
睇到呢個平手局面嘅時候,其實已經係夜深喇,作為粉絲嘅編輯,聽日又要返早,真係好想瞓。但見安儀由朝早10點打到決勝呢局,超過12小時全神貫注都未話攰,我又點可以咁易放棄。經過15個鐘嘅漫長戰事之後,「神奇小妹」最終不負眾望,贏埋決勝局,以6:5贏得女子桌球世界賽冠軍,係佢繼2015年之後,三年內兩度封后為港爭光,真係神奇、頂級、超卓呀!

見到呢位「神奇小妹」再度封后,其實我有啲眼濕濕。細個時候去篤波成日畀人話學壞,安儀可謂幫我哋一班鐘意篤波嘅女仔洗脫污名。Anyway,快啲瞓返覺好嘅,祝你聽日喺「香港傑出運動員選舉」再奪「星中之星」。

Text > Goosie
Photo > Internet & facebook

水腫有救!日日飲茶瘦身法

水腫有救!日日飲茶瘦身法

水腫有救!日日飲茶瘦身法

左手又係肉!傑運「星中之星」你點揀

Read More